SAJ table sur un «redécollage économique» en 2016

Le Premier ministre estime que la situation économique connaîtra une embellie en 2016 et se dit convaincu en un deuxième « miracle économique ». Le message de sir Anerood Jugnauth pour la nouvelle année a aussi été une occasion de revenir sur les réalisations de son gouvernement. Sir Anerood Jugnauth est convaincu que la situation économique s’améliorera en cette année 2016. Il vise d’ailleurs un deuxième miracle économique et estime que l’économie sera « sur les rails ». C’est ce qu’il a expliqué dans son message de fin d’année à la Nation diffusé le vendredi 1er janvier. « Beaucoup plus d’emplois seront créés. Déjà en 2015, pas moins de 17 000 emplois ont été créés, soit 14 000 dans le secteur privé et 3 000 dans le public », a-t-il fait comprendre. 2016 sera l’année du « redécollage économique », estime-t-il. Le chef du gouvernement a aussi expliqué que plusieurs grands chantiers ont déjà démarrés et se poursuivraient cette année 2016. Parmi, Airport City à Plaisance, Heritage City à Highlands ou le Technopark de Rose-Belle. Sir Anerood Jugnauth a par ailleurs fait ressortir que le secteur touristique s’était bien porté en 2015; que le secteur aérien connaîtrait de nombreux développements, ainsi que le secteur ICT-BPO, avec le projet d’un troisième câble sous-marin. Il a aussi rappelé que 250 points wi-fi gratuits ont été installés à travers le pays en 2015. 135 autres seront aménagés cette année. Par conséquent, a fait ressortir le chef du gouvernement, la situation de l’emploi connaîtra une nette amélioration. « Beaucoup d’emplois seront créés », insiste SAJ. Sir Anerood Jugnauth a également saisi l’occasion pour dresser un bilan de son gouvernement. Il a cité le paiement d’une compensation salariale de Rs 600 au début de son mandat, la gratuité de l’eau potable aux familles qui consomment moins de 6 m³ par mois ou encore les subsides pour les frais d’examens SC-HSC. Autre sujets abordés : les aides aux petits planteurs ou encore aux PME.

Message du Nouvel An du Premier ministre, Sir Anerood Jugnauth en intégralité

[padding-p-1 custom_class=""][/padding-p-1]

2015: cruciale

Merci pou accueillir moi chez ou ce soir.
2015 derrière nou. Li finne ène l’année cruciale pou nou pays.
Cruciale parski pays ti bisin ène nouvo direction, ène leadership fort, ène nouvo confiance pou bâtir ène nouvo destin.
Quand ou ti confier moi responsabilité pays en décembre 2014, situation sociale et économique ti chaotique.
Ti éna ène appauvrissement généralisé.
Pouvoir d’achat ti dégringolé dramatiquement.
Dans éna familles, na pas ti éna assez l’argent pou acheter deux repas manger.
Fraude, corruption ek immoralité ti envahi nou société.
Ene l’industrie coquin ti installé.
Banne institutions ti paralysé.
L’économie ti en panne.
Face à sa situation là, mo ti prend trois l’engagements en particulier:
- Premièrement, allège fardeau lépep et rétabli pouvoir d’achat.
- Deuxièmement, nettoyer et assainir nou société.
- Et, troisièmement, commence travail pou relance nou l’économie et reconstruire nou pays.
Lors tous les trois fronts, mo gouvernement finne agir et résultats divant ou.

[row custom_class=""][/row]

[[{"type":"media","view_mode":"media_large","fid":"7895","attributes":{"class":"media-image alignright wp-image-12800","typeof":"foaf:Image","style":"","width":"350","height":"500","alt":"Social"}}]]Social

Au début même de nou mandat, nou finne augmente pension vieillesse, pension veuve et pension invalide à Rs 5000. Lézotte pensions aussi finne augmenté.
Finne éna ène compensation salariale de Rs 600 pou tou travailleurs.
Jiste avec augmentation pensions ek compensation salariale, banne familles finne gagne revenus additionnels de Rs 9,1 milliards en 2015.
Avec nouvo compensation salariale ki finne décidé en fin d’année et ki pou applicable à partir sa mois là, sé encore Rs 2,5 milliards en plis comme revenus pou la classe travailleurs.
Sa faire ène total Rs 11,6 milliards pou augmente pouvoir d’achat de la population.Mo dire bien Rs 11,6 milliards.
Jiste ène gouvernement ki éna lécoeur pou lépep ki capave faire ène zeffort pareil.
Nou na pas finne arrête là.
Désormais, dilo gratis pou banne familles ki consomment moins ki 6 mètres cubes.Zotte na pas pou payer pou waste water aussi.
Nou finne introduire ène tarif réduit pou banne familles ki consomme moins ki 65 kilowatt électricité.
Nou finne donne Rs 300 millions subsides lors frais l’examens SC ek HSC.
Finne éna déboursement Rs 285 millions additionnels pou aide ti-dimounes coule dalle.
Prix l’essence ek diesel finne baissé par 10% et 13% respectivement.
Nou finne donne subsides Rs 800 millions lors diriz, la farine ek gaz ménager.
Sans oublier ki nou finne maintenir transport gratis pou banne étudiants ek banne personnes âgées. Sa finne coûte Rs 1,2 milliard.
Jamais aukène gouvernement finne faire autant dans ène seule l’année pou allège fardeau population et combatte pauvreté.

[row custom_class=""][/row]

Les affaires

Ou finne donne mo gouvernement ène mandat pou nettoyer.
Mo croire ki tou dimounes pou d’accord ki nou pé servi Karcher ki bisin.
L’enquête inne faire et pé continuer faire dans banne cas cotte finne éna irrégularités, maldonnes et abus du pouvoir.
En conséquence, nou finne résilié contrat Betamax. Pays pou économise environ Rs 3 milliards lors facture transport pou banne produits pétroliers.
Finne aussi résilié contrat avec Dufry. Fini sa pratique cotte ti pé paye commissions par millions à copains-copines lors chiffre d’affaires MauritiusDuty Free Paradise.
Finne mette l’ordre dans gestion Air Mauritius et compagnie là inne prend ène nouvo départ.
Nou finne mette fin à festival la terre l’Etat. 2000 arpents finne récupérés et plusieurs dossiers cotte finne éna maldonne finne référés à la Police ek l’ICAC.
Nou finne mette ène commission d’enquête lors la drogue et mo pou agir aussitôt mo gagne rapport.
Après coffres forts ki finne choque ou, nou finne découvert MEGA SCANDALE BAI, Ponzi Scheme Rs 25 milliards, ène escroquerie planifiée et organisée.

[row custom_class=""][/row]

[[{"type":"media","view_mode":"media_large","fid":"7896","attributes":{"class":"media-image alignleft wp-image-12801","typeof":"foaf:Image","style":"","width":"350","height":"500","alt":"Bai"}}]]

Affaire Bai

Ou finne sûrement réalisé à ki point nou pays ti pourri.
Si nou na pas ti agir dans cas BAI couma nou finne faire, nou système financier ti pou complètement déstabilisé, nou l’économie ti pou à genoux.
Des milliers dimounes ti pou perdi zotte l’argent ; lézotte ti pou perdi zotte l’emploi en masse.
Nou finne évite ène crise sociale ek ène crise économique.
Nou finne sauve l’économie.
Nou finne sauvegarde l’intérêt:
- 53000 dépositeurs Bramer Bank,
- 138000 détenteurs police d’assurance BAI,
- et 6000 clients Bramer Asset Management.
Nou finne faire de sorte à séki aukène des 24 000 dimounes ki ti investi zotte cash dans Super Cash Back Gold (sa Ponzi Scheme là) na pas perdi zotte l’argent.
Nou finne préserve 3900 emplois lors 4200 dans banne compagnies concernées.
Mo capave dire ki mo pleinement satisfait de la manière ki nou finne gère sa dossier là.
Même FMI finne reconnaitre sa et zotte fine félicite nou.
Nou finne minimise l’impact de sa scandale financier là lors nou pays.
Li bon ki la population conné ki même qualité Ponzi Scheme BAI dans Trinidad et Tobago finne ruine l’économie sa pays là et jisqu’àzordi Trinidad et Tobago pé lutté pou relever.

[row custom_class=""][/row]

Corruption

Mo capave renouveler azordi l’engagement mo gouvernement avec la nation : nou na pas pou reculé dans nou combat contre fraude ek corruption.
Pou alle encore pli loin, nou finne adopté ‘Good Governance and IntegrityReporting Bill’ et nou finne amende Constitution pou combatte ‘UnexplainedWealth’.
Mo donne encore ène fois la garantie ki péna aukène l’agenda pou cibler aukène individu. Séki pou cibler sé RICHESSE INEXPLIQUÉE.

[row custom_class=""][/row]

[[{"type":"media","view_mode":"media_large","fid":"7897","attributes":{"class":"media-image alignright wp-image-12802","typeof":"foaf:Image","style":"","width":"350","height":"500","alt":"\u00c9conomie"}}]]Économie

Ou pou d’accord avec moi : nou na pas ti capave reconstruire lors ène soubassement pourri.
Même si nou finne passe boucoup létemps nettoyer, en parallèle nou finne jette banne bases solides pou ène relance économique ki pou amène nou pays vers ène ‘High Income Economy’.
Déjà, avec ouverture accès aérien et ène réorientation stratégique, tourisme finne ‘perform’ très bien en 2015 avec banne records en terme arrivées ek recettes.
Avec l’accord ki finne signé entre Air Mauritius et Changi Airport de Singapour grâce à l’initiative mo biro, pou éna banne nouvo opportunités pou tourisme et commerce dans séki nou appelle ‘Asia-Africa Corridor’.
Au niveau Services Financiers, finne éna plusieurs développements pou faire Maurice vinne ène jurisdiction de substance.
Finne énal’accord avek National Stock Exchange of India et Johannesburg Stock Exchange. Sa pou permette lister banne nouveaux produits financiers à Maurice.
Plusieurs multinationales dans secteur financier finne implante zotte à Maurice. Parmi éna OLD MUTUAL, AXA/LLOYDS, INVESTEC ASSET MANAGEMENT et CARE RATINGS.
Finne adopter la loi pou permette développement captive insurance à Maurice.
Pou améliore compétitivité secteur ICT/BPO, coût internet finne baissé, vitesse finne quintuplé et projet ène troisième fibre optique pé démarré prochainement.
Dans l’agriculture, après ki mo ti introduire Bagasse Transfer Price en 1984, mo heureux ki nou finne capave augmente prix bagasse de Rs 125 à Rs 1225 par tonne disik.
Encore ène fois sé grâce à mo gouvernement ki sa finne possible.
Mo conné à ki point communauté ti-planteurs finne souffert sous l’ancien gouvernement. Sa mesure là pou soutenir surtout banne ti-planteurs ki produire moins ki 60 tonnes disik.
Ti-planteurs finne aussi gagne Rs 3400 compensation par tonne disik pou la coupe 2014.
Nou pé donne ène nouvo boost à secteur PME. Finne mette en place ène nouvo SME Park dans Bambou. One-stop-Shop déjà opérationnel. Frais d’enregistrement pou banne PME finne baissé de Rs 2500 à Rs 500. Et à partir le 4 janvier banne ti-entrepreneurs pou gagne financement avec Maubank.
Nou finne mette en place banne plateformes cotte gouvernement ek secteur privé discuté ensam pou enlève banne obstacles à l’investissement.
Nou finne rétablir la confiance parmi banne opérateurs économiques.
Nou finne relance la diplomatie économique.
Plusieurs chantiers finne lancé ou pou lancé très prochainement:
- Airport City dans PlaineMagnien
- Heritage City dans Highlands
- Technopark dans Rose Belle
- Développement lé port
- Projet Bunkering
- Développement Ocean Economy.
Plusieurs projets cotte pou investi Rs 45 milliards finne débloqués dans secteurs ICT, biotechnologie, secteur manufacturier, tourisme, Health and Wellness et logistique.
Ena aussi plusieurs projets d’infrastructures routières : ponts, tunnel, échangeurs, flyovers ki pou nécessite banne investissements de Rs 15 milliards. Sa banne projets là pé démarrer en juillet.
Maurice pou vinne ène immense chantier et pou éna développement tout côté.
2016 pou définitivement l’année du redécollage économique.
Boucoup plis l’emplois pou créer. Déjà en 2015, pas moins de 17 000 nouvo l’emplois finne créer, 14 000 dans secteur privé et 3000 dans secteur public.

[row custom_class=""][/row]

2ème miracle

Péna aukène doute ki nou pays fermement lors rail sa 2ème Miracle Economique ki tout Mauricien rêver.
Progrès, prospérité et bonheur pou tou dimounes, nou pou réalise li ensam comme ène nation ki croire dans so destin.
Mo dire à banne jeunes, mo croire dans zotte.
Mo croire dans zotte potentiel et zotte capacité pou innover. Zotte bisin éna confiance dans zotte même d’abord. Mo gouvernement pou faire tout pou ki zotte réussi.
Réforme ki nou pé apporter dans secteur l’éducation avec Nine-Year Schooling sé pli grand cado ki nou pé donne à nou banne zenfants. Ti bisin éna volonté politique pou alle de l’avant et mo gouvernement pé alle de l’avant parski nou conscient ki qualité l’éducation ek formation sé la clé progrès.
Pareil couma nou conscient ki la technologie et l’accès à l’information sé deux lézotte zoutils ki amène l’avancement.
Sé dans sa l’optique là ki nou pé investi dans ICT et nou pé démocratise l’accès à l’internet.
Li bon ou conné ki 250 points Wifi gratuits finne installé à travers le pays en 2015 et 135 lézotte pou installé au courant sa l’année là.

[row custom_class=""][/row]

[[{"type":"media","view_mode":"media_large","fid":"7898","attributes":{"class":"media-image alignleft wp-image-12803","typeof":"foaf:Image","style":"","width":"350","height":"500","alt":"G\u00e9nie mauricien"}}]]Génie mauricien

Nou oulé bâtir ène société moderne cotte la connaissance et la technologie pou permette tou dimounes, jeunes et moins jeunes, développe zotte potentiel et participe pleinement à épanouissement socio-économique.
Mo finne toujours croire dans le génie mauricien. Nou pou réussi, mo péna aukène doute lors là.
Mais bisin éna patience, bisin éna solidarité, bisin éna compréhension.
Bisin surtout ki éna discipline, zeffort et ène culture de travail.
Bisin ki nou croire dans nou banne convictions.
Nou ène ti pays mais mo satisfait ki mo finne faire la voix Maurice résonner dans Nations Unies, dans Commonwealth et dans Sommet Inde-Afrique lors banne grands dossiers couma changement climatique, combat contre terrorisme et développement durable.
Ou finne trouvé ki mo finne alle bien loin dans mo discours aux Nations Unies pou revendique fermement nou souveraineté lors Chagos.
Mo pou faire tout séki possible pou ki corrige sa l’injustice ki finne faire contre Maurice et contre banne chagossiens.

Chers compatriotes,

Confiance ki ou ti faire moi ek mo l’équipe dans élections générales ou finne renouveler li dans élections municipales. Mo remercier ou pou sa.
Et mo donne ou la garantie ki nou pou consolide davantage nou système démocratique.
Mo capave dire ou ki mo gouvernement plis soudée ki jamais.
Nou éna ene devoir et ene responsabilité envers ou. Nou pé assume li pleinement.
Reste assurer ki nou avek ou et l’avancement lépep reste nou priorité.
Nou pé travaille nuit et jour pou amène sa vrai changement ki ou mérité.
Continuer faire mo gouvernement confiance.
A banne opérateurs économiques, mo dire zotte ki tou conditions réunies azordi pou passe à la vitesse supérieure. Mo conné mo capave compte lors zotte. Pays compte lors zotte.
Mo compte aussi beaucoup lors banne fonctionnaires et mo tenir à remercier majorité banne fonctionnaires ki finne mette zotte au travail pou réalise programme mo gouvernement.
Nou tou ensam, gouvernement, secteur public, secteur privé, nou bisin forme ene sel l’équipe, l’équipe gagnante ki pou faire nou fierté.
Pou sa, nou bisin garde la foi dans nou même et dans bondié.
Mo habitué dire li : nou pays éna ène grand destin.
Anou ensam construire l’avenir nou banne zenfants.
Chers compatriotes de Maurice, de Rodrigues, d’Agaléga et de Saint Brandon, mo présente zotte mo meilleurs voeux pou ène bonne et heureuse année 2016.
Mo banne vœux adressés également à banne Mauriciens ki à l’étranger ainsi qu’à la diaspora mauricienne à travers le monde.
Vive la République de Maurice.
Merci pou zotte l’attention.