Mgr Jean Michaël Durhône rend hommage à Ras Natty Baby

L’évêque de Port-Louis, Mgr Jean Michaël Durhône, a rendu hommage ce vendredi à Ras Natty Baby, saluant son talent, son héritage culturel et l’impact de sa musique sur toute une génération.

Ci-dessous son message dans son intégralité :

MESSAGE POUR LES FUNERAILLES DE RAS NATTY BABY

O nom Legliz katolik, mo exprim mo sinpati pou lafami Ras Natty Baby : so madam, so bann zanfan ek so bann pros.

Bondie inn donn Ras Natty Baby enn talan spesial. Par so lamizik ek so sante, linn tous leker boukou dimounn.

Azordi, dan Legliz St-Coeur-de-Marie, Petite Rivière, nounn vini pou remersi Bondie pou bann mervey ki Li finn fer dan lavi Ras Natty Baby. Nou demann Bondie pardonn li pou so febles ek so pese, e nou demann Zezi vivan e resisite donn li lazwa rezwenn so Segner.

Ras Natty Baby inn ne, inn viv, inn travay, inn sante, inn kontan. Linn tom malad, linn soufer, linn pas par lamor… ek linn resisite.

Linn pran mem sime ki Zezi, Garson Bondie, inn pran : ne lor later, grandi, travay, kontan nou, soufer lor lakrwa, mor ek resisite.

Samem nou lesperans pou Ras Natty Baby ek pou sakenn parmi nou.
Ki Zezi donn nou lafors pou pa bliye leritaz kiltirel ki Ras Natty Baby inn donn nou pei, pou kontinie konstrir linite ek solidarite.

Mersi.

Mgr Jean Michaël DURHÔNE

Levek diosez Port-Louis.